વાર્તા - મનમોહન ભાટિયા
મુદિતકોલેજ કેન્ટીનમાં તેના મિત્રો સાથે મસ્તી કરતો બેઠો હતો.
‘‘ચાલો મિત્રો, આજે ફિલ્મ જેાવાનું ખૂબ મન છે. મોલમાં પણ ફરતા આવીશું અને ફિલ્મ પણ જેાઈ લઈશું.’’ રોહને પોતાના મનની વાત કહી.
‘‘આમ પણ ક્લાસ એટેન્ડ કરવાનું મને મન નથી.’’ અનિરુદ્ધે રોહનની વાતને ટેકો આપ્યો.
મુદિતે કંઈક વિચાર્યું અને હા પાડી દીધી, ‘‘ચાલો મિત્રો, પરંતુ એ તો કહે કે ક્યાં જવાનો વિચાર છે?’’
ત્રણે મિત્રો કોલેજમાંથી બહાર આવ્યા અને ઓટોમાં બેસીને ૩-૪ મિનિટમાં સિટી વોક મોલ પહોંચી ગયા.
આમ પણ ત્રણે મિત્રોને સમય પસાર કરવો હતો. એક વાર તો પૂરા મોલમાં ફરી લીધું અને ત્યાર પછી ફૂડ કોર્ટમાં બેસીને લંચ કર્યું.
મોલમાં પીવીઆર હતું, તેથી ત્યાં જ મૂવી જેાવા ગયા. મૂવીના ઈન્ટરવલ દરમિયાન રોહન પોપકોર્ન ખરીદવા ગયો અને મુદિત વોશરૂમ ગયો.
અચાનક તેની નજર પડી તો બાજુમાં તેના પિતા સૂસૂ કરી રહ્યા હતા. બ્રિજેશનું મોં દીવાલ તરફ હતું. જેાકે તેમણે મુદિતને જેાયો નહોતો, પરંતુ મુદિત અહીં તેના પિતાને જેાઈને ગભરાઈ ગયો અને ચુપચાપ પેશાબ કર્યા વિના પોતાની સીટ પર જઈને બેસી ગયો.
મુદિતનું ધ્યાન હવે સિનેમાના સ્ક્રીનની જગ્યાએ તેના પિતા પર હતું. તેઓ ફિલ્મ જેાઈ રહ્યા હતા. મુદિતે વિચાર્યું, પિતાની ઓફિસ તો નેહરુ પ્લેસમાં છે તો પછી અહીં સાકેતમાં શું કરી રહ્યા છે? કદાચ કોઈ ક્લાયંટને મળવા માટે આવ્યા હશે, પરંતુ ફિલ્મ જેાવામાં ૩ કલાક કેમ બગાડે? પોતે કોલેજ સ્ટુડન્ટ છે, કોલેજમાં આવી મોજમસ્તી ચાલ્યા કરે, પરંતુ પિતા પણ ઓફિસ છોડીને મોજમસ્તી કરે છે આ વાતનો વિચાર મુદિતને પહેલા ક્યારેય આવ્યો નહોતો. તેની નજર અંદર આવવા માટેના એન્ટ્રિ ગેટ પર હતી.
આ શું? તેમની સાથે એક મહિલા પણ છે. મહિલાની કમરમાં હાથ નાખીને બ્રિજેશ તેની બાજુની સીટ પર બેસી ગયા.
હવે મુદિતનું પૂરું ધ્યાન ફિલ્મમાં ન રહ્યું. હોલમાં અંધારું હતું અને ફિલ્મ ઈન્ટરવલ પછી શરૂ થઈ ગઈ હતી. તે વિચારવા લાગ્યો કે પિતા આ મહિલા સાથે અહીં શું કરી રહ્યા છે? આ પ્રશ્નએ તેના મગજને ચકરાવે ચડાવ્યું.
ફિલ્મ પૂરી થતા બ્રિજેશ પોતાની મહિલા મિત્ર સાથે આગળ ચાલી રહ્યા હતા. બ્રિજેશનો હાથ મહિલાની કમર પર હતો.
મુદિત વિચારી રહ્યો હતો કે તે ૨૦ નો છે જ્યારે પિતા ૫૦ વટાવી ચૂક્યા છે. શું તેમની આ ઉંમર કોઈને પ્રેમ કરવાની છે. હજી મારી કોઈ ગર્લફ્રેન્ડ નથી, જ્યારે અહીં તો પિતા પ્રેમ કરી રહ્યા છે કોઈને. પછી તે ખૂબ ગુસ્સે થઈ ગયો. મિત્રો રોહન અને અનિરુદ્ધ સાથેનો આગળનો કાર્યક્રમ રદ કરી દીધો અને માલવિયનગર મેટ્રો સ્ટેશનથી ગુરુગ્રામની મેટ્રો પકડી લીધી.
જેાકે મુદિતે પોતાના પિતાથી થોડું અંતર જાળવી રાખ્યું હતું, કારણ કે ક્યાંક તેના પિતા તેને અહીં જેાઈને નારાજ ન થઈ જાય કે ક્લાસ છોડીને ફિલ્મ જેાવા આવ્યો છે. બ્રિજેશ પોતાની મહિલા મિત્ર સાથે એટલા ખોવાયેલા હતા કે તેમને અહેસાસ નહોતો કે તેમની આ હરકતને તેમના દીકરાએ જેાઈ લીધી છે.
