જ્વેલરી વિના મહિલાઓનો શૃંગાર અધૂરો માનવામાં આવે છે, કારણ કે બદલાતા યુગમાં જ્વેલરીનો ઉપયોગ નવી રીતે કરવામાં આવે છે. ટ્રેડિશનલ પોશાક પસંદ કરનારી અભિનેત્રી વિદ્યા બાલને ઝૂમખાના ક્રેઝ વિશે જણાવ્યું કે તેને ઝૂમખાં એટલાં પસંદ છે કે તે તેને ખરીદવાની એક પણ તક છોડતી નથી. તે ટ્રેનમાં વેચાતા ૫ રૂપિયાના સસ્તા ઝૂમખા પણ ખરીદીને પહેરે છે. વિદ્યા પરંપરાગત જ્વેલરીની મોટી પ્રશંસક છે.
સોનમ કપૂર પોતાની સ્ટાઈલ સાથે એક્સપેરિમેન્ટ કરે છે અને તેનો આ લુક બધાને પસંદ છે. તેને પણ જ્વેલરીનો ખૂબ શોખ છે, જ્વેલરી મોંઘી હોય કે સસ્તી, ડ્રેસને મેચિંગ જ્વેલરી પહેરે છે. તે કહે છે કે ટ્રેડિશનલ ડ્રેસ હોય કે વેસ્ટર્ન જ્વેલરી દરેક ડ્રેસિસ પર પહેરવાની જરૂર હોય છે.
અભિનેત્રી દીપિકા પાદુકોણને ટ્રેન્ડી જ્વેલરી પહેરવી ગમે છે. તે મોટાભાગે લાંબા અને લટકતા એરિંગ્સ પહેરીને જેાવા મળે છે, કારણ કે તેનો ફેસ લાંબો છે.
આ વિશે કૃષ્ણા જ્વેલરી એક્સપર્ટ હરિ કૃષ્ણા જણાવે છે કે ફેસ વ્યક્તિના વ્યક્તિત્વનો અરીસો હોય છે. બેસ્ટ જ્વેલરી સુંદરતા વધારે છે, તેથી હેવી જ્વેલરીથી વધારે એલિગેન્ટ લુકવાળી જ્વેલરી આજની યૂથની પસંદ હોય છે અને આ જ ટ્રેન્ડ છે, તેથી જ્યારે પણ કોઈ મહિલા મારી પાસે આવે છે ત્યારે તેને હું ફેસ પ્રમાણે જ્વેલરી ખરીદવાની સલાહ આપું છું. એટલું જ નહીં, કેટલીય વાર એવું જેાવા મળે છે કે જ્વેલરીની પસંદગી ફેસ પ્રમાણે ન કરતા પૂરો ફેસ બદલાઈ જાય છે, કેવી રીતે જાણશો ફેસ પ્રમાણે કેવી જ્વેલરી પહેરવી, જેથી બધાની નજર તમારી પર અટકી જાય, આવો જાણીએ :
ઓવલ ફેસ
ઓવલ ફેસની સૌથી સારી વાત એ છે કે આ ફેસ ધરાવતી મહિલાઓ કોઈ પણ લંબાઈ અને સ્ટાઈલના નેકલેસ પહેરી શકે છે. આ રીતે ઓવલ અથવા ટિયરડ્રોપ ડિઝાઈન ધરાવતા રાઉન્ડ નેકલેસ જે તમારા ફેસના આકારની નકલ કરે છે, સારો વિકલ્પ માનવામાં આવે છે. બીજી બાજુ જિયોમેટ્રિકલ પેન્ડેન્ટ સાથે શોર્ટ નેકલેસ મિનિમલિસ્ટિક લુક માટે શાનદાર હોય છે. લુકને પરફેક્ટ બનાવવા માટે વાઈડ એરિંગ્સની મેચિંગ સારો લુક આપે છે.
લોંગ ફેસ
લોંગ ફેસમાં માથાથી ચિન સુધીની લંબાઈ વધારે હોય છે, જે તેમને ઓવલ ફેસથી અલગ બનાવે છે. આ ફેસ માટે એક સરળ ઉપાય છે કે ફેસની લંબાઈને ઓછી કરતી જ્વેલરી પસંદ કરવી, જે ફેસની પહોળાઈ પર વધારે ભાર આપે છે. પહોળા ફેસ પર ઈંપ્રેશન આપવા માટે ગરદન પર ઊંચા ચંકિયર નેક પીસ પસંદ કરવો એક યોગ્ય વિકલ્પ છે. આ ફેસ માટે ફુલ ચોકર સેટ પણ એક બેસ્ટ વિકલ્પ છે. તે ઉપરાંત શેંડેલિયર એરિંગ્સ લુકને કમ્પ્લીટ કરવા માટે સૌથી બેસ્ટ છે. ફ્લોરલ ડિઝાઈન પણ આ પ્રકારના ફેસ માટે સૌથી બેસ્ટ હોય છે.
હાર્ટ શેપ ફેસ
આ ફેસ શોર્ટર, પોઈન્ટેડ ચિનવાળો હોય અને ફેસનો ઉપરનો અડધો ભાગ પહોળો હોય. આ પ્રકારના ફેસ માટે કોઈ પણ પ્રકારની જ્વેલરી પસંદ કરવાની સૌથી સારી રીત છે, કપાળની પહોળાઈને ઓછી કરવા અને વાઈડર જેાલાઈનની ઈમ્પ્રેશન પેદા કરનાર નેક પીસ અને તે પ્રમાણે એરિંગ્સ. તેમાં લવિંગ, વી શેપ નેકલેસના બદલે શોર્ટ નેકલેસ, કર્વ અને રાઉન્ડ ગરદનની ચારે બાજુ કંપ્લીટ લુક આપે છે અને કપાળની પહોળાઈને સંતુલિત કરવામાં પણ મદદ કરે છે. લેયર્ડ નેકલેસ પણ એક બેસ્ટ પીસ છે અને જેા પેંડેંટ માટે ઉત્સુક છો, તો એક એડજસ્ટેબલ ચેન સાથે પસંદ કરો, જેથી તેને ગળામાં એડજસ્ટેબલ કરી શકો. તે ઉપરાંત ટિયરડ્રોપ એરિંગ્સ પણ નિશ્ચિત રીતે લુકને વધારે નિખારે છે.
રાઉન્ડ ફેસ
રાઉન્ડ ફેસ ઓવલ ફેસની સરખામણીમાં એક ખાસ અનુપાતમાં હોય છે. રાઉન્ડ ફોરહેડ અને જેાલાઈન ફેસની સુંદરતા વધારે છે. શાર્પ સ્ટોન જ્વેલરીની પસંદ લુકમાં શાર્પનેસ લાવવામાં મદદ કરી શકે છે. લાંબા પેન્ડેન્ટ અને નેકલેસ જે કોલરબોન નીચે વી શેપ બનાવે છે, રાઉન્ડ ફેસ પર સુંદર લાગે છે. રાઉન્ડ ફેસવાળાને ચંકિયર અને ચોકર નેકલેસ પહેરવાથી બચવું જેાઈએ. ફેસ પ્રમાણે તેમણે કોંટ્રાસ્ટ માટે ચોકોર અને આયતાકારવાળા નેકલેસ પસંદ કરવો સારો
રહે છે.
સ્ક્વેર ફેસ
આ ફેસવાળાના કપાળ અને ગાલ અને જેાલાઈન સમાન પહોળાઈના હોય છે, કપાળથી લઈને ચિન સુધીની ઊંચાઈ પણ ફેસની પહોળાઈ સમાન હોય છે. સ્ક્વેયર ફેસ માટે સ્ટોન્સની જ્વેલરી પસંદ કરવી સુરક્ષિત માનવામાં આવે છે. તેના માટે શાર્પ જિઓમેટ્રિક ડિઝાઈનથી બચવું સૌથી સારું હોય છે. ટેસલ જેવા આકર્ષક કંપોનેંટ સાથે લોંગ વર્ટિકલ નેકલેસ, સ્ક્વેર ફેસ માટે સૌથી બેસ્ટ વિકલ્પ છે. લોંગ નેકલેસ પસંદ કરવાથી ફેસ લાંબો દેખાય છે અને ફેસ પર સોફ્ટનેસ ઝલકે છે.
– સોમા ઘોષ.
