૧૯૮૧માં રિલીઝ થયેલી ‘પ્રેમ ગીત’ ફિલ્મના ગીતની એક લાઈન ‘ન ઉમ્ર કી સીમા હો ન જન્મ કા હો બંધન…’ બોલીવુડ અભિનેતા પર બિલકુલ બંધ બેસે છે. હાલના દિવસોમાં મલાઈકા અરોરા અને એક્ટર અર્જુન કપૂરના અફેરની ખૂબ ચર્ચા ચાલી રહી છે અને તેનાથી પણ વધારે ચર્ચા તેમની વચ્ચેના એજ ગેપની રહી છે. બંનેની ઉંમર વચ્ચે લગભગ ૧૧ વર્ષનું અંતર છે. આ જ કારણસર તેમને મોટાભાગે સોશિયલ મીડિયા પર ટ્રોલ થવું પડે છે. એક ઈન્ટરવ્યૂ દરમિયાન મલાઈકા અરોરાએ કહ્યું હતું કે આપણે એક એવા સમાજમાં રહીએ છીએ, જ્યાં એક મોટી ઉંમરની મહિલા પોતાનાથી નાની ઉંમરના છોકરાને પ્રેમ કરે, તો લોકો તેને એક્સેપ્ટ નથી કરી શકતા.
સમાજમાં એવી માન્યતા છે કે લગ્ન સમયે છોકરીની ઉંમર હંમેશાં છોકરાથી નાની હોવી જેાઈએ, કારણ કે માનવામાં આવે છે કે પતિ ઘરની મુખ્ય વ્યક્તિ હોય છે, તેથી તે વધારે અનુભવી અને સમજદાર હોવી જેાઈએ. ભારતમાં સરકાર તરફથી પણ લગ્નની કાયદેસર ઉંમર છોકરા માટે ૨૧ વર્ષ અને છોકરી માટે ૧૮ વર્ષ રાખવામાં આવી છે. પરંતુ બદલાતા સમયમાં પ્રેમ કરવાના અંદાજમાં પણ ખૂબ બદલાવ આવ્યો છે અને તેનું સૌથી મોટું ઉદાહરણ છે છોકરાઓનું પોતાનાથી મોટી ઉંમરની છોકરીઓ પ્રતિ આકર્ષિત થવું. હવે અંતરને નજરઅંદાજ કરીને તેને પ્રેમ અને સન્માનના ભાવથી જેાવામાં આવી રહ્યો છે. છોકરાઓ પણ પોતાનાથી ઉંમરમાં નાની નહીં, પરંતુ પોતાનાથી મોટી છોકરીઓને વધારે પસંદ કરવા લાગ્યા છે. બોલીવુડથી લઈને હોલીવુડ સુધીમાં આ પ્રકારના ઘણા બધા કપલ્સ મળશે, જેમની ઉંમરમાં સારો એવો તફાવત રહ્યો છે.
ઈમેન્યૂઅલ મેક્રોં : ફ્રાંસના રાષ્ટ્રપતિ ઈમેન્યૂઅલ મેક્રોં પોતાની પત્ની બ્રિજેટ મેક્રોંથી ૨૪ વર્ષ નાના છે. જે સમયે ઈમેન્યૂઅલ મેક્રો સ્કૂલમાં ભણતા હતા ત્યારે બ્રિજેટ તેમના ટીચર હતા અને બંને વચ્ચે તે જ સમયે પ્રેમ પાંગર્યો હતો.
ઉર્મિલા માતોંડકર : એક્ટ્રેસ ઉર્મિલા માતોંડકરે પોતાનાથી ૯ વર્ષ નાના છોકરા મીર મોહસિન અખ્તર સાથે લગ્ન કર્યા છે. મોહસિન એક વેપારી કાશ્મીરી પરિવારમાંથી આવે છે.
ફરાહ ખાન : બોલીવુડની જાણીતી ડાયરેક્ટર અને કોરિયોગ્રાફર ફરાહ ખાને પણ પોતાનાથી ૯ વર્ષ નાના શિરીષ કુંદર સાથે વર્ષ ૨૦૦૪ માં લગ્ન કર્યા હતા અને આજે તેઓ ૩ બાળકના માતાપિતા છે. ફરાહ ખાન ‘મેં હૂ ના’ ફિલ્મના સેટ પર શિરીષ કુંદરને પ્રથમ વાર મળી હતી અને ત્યાર પછી બંને પ્રેમમાં પડી ગયા.
પ્રીતિ ઝિંટા : એક્ટ્રેસ પ્રીતિ ઝિંટા પોતાનાથી ૧૦ વર્ષ નાના જીન ગુડઈનફ સાથે વર્ષ ૨૦૧૬ માં લગ્ન કર્યા હતા અને આજે તે પોતાના પતિ સાથે એક ખુશહાલ જીવન વિતાવી રહી છે.
પ્રિયંકા ચોપરા : એક્ટ્રેસ પ્રિયંકા ચોપરાએ પણ થોડા વર્ષ પહેલાં ક્રિશ્ચિયન અને હિંદુ રીતરિવાજ મુજબ હોલીવુડ એક્ટર અને સિંગર નિક જેનસ સાથે લગ્ન કર્યા હતા. બંનેનું અફેર ખૂબ ચર્ચામાં રહ્યું હતું. નિક જેનસ પ્રિયંકાથી ૧૦ વર્ષ નાનો છે. આમ પણ સેક્સ્યુઅલ પ્રેઝન્ટેશન મહિલાઓ માટે ખૂબ મહત્ત્વ ધરાવતું હોય છે, સાથે ફિઝિકલ અને ઈમોશનલ બંને ભાવનાને વહેંચે છે. તેથી પુરુષ અને મહિલાઓની ઉંમરના આ કોમ્બિનેશનને પરફેક્ટ કહેવામાં આવે છે. જેાકે બીજા પણ ઘણા કારણ છે, જેથી પુરુષને મોટી ઉંમરની મહિલાઓ ગમી રહી છે, જેમ કે :
આત્મવિશ્વાસ : મોટી ઉંમરની મહિલાઓ સ્વયંને ખૂબ સારી રીતે સમજતી હોય છે. કોઈ પણ નિર્ણય તેઓ નાદાનીમાં નહીં, પરંતુ ખૂબ સમજીવિચારીને લેતી હોય છે. તે સ્વયંમાં આમ પણ ખૂબ મેનેજ હોય છે. તે જાણતી હોય છે કે તેમણે પોતાની લાઈફ પાસેથી શું અપેક્ષા રાખવી જેાઈએ અને શું નહીં. તે આત્મવિશ્વાસુ હોય છે અને તેથી પુરુષને મેચ્યોર મહિલાઓ વધારે આકર્ષિત કરે છે.
જવાબદાર : સમય અને અનુભવની સાથે મેચ્યોર મહિલાઓ પોતાની તમામ જવાબદારીને ખૂબ સારી રીતે નિભાવતા શીખેલી હોય છે, સાથે તેઓ મુશ્કેલ પરિસ્થિતિનો પણ સારી રીતે સામનો કરી શકે છે. કેટલાક કિસ્સામાં તે ન માત્ર પોતાના અનુભવની મદદ લેતી હોય છે, પરંતુ જરૂર પડતા મુશ્કેલીના સમાધાન પણ શોધી લેતી હોય છે, જેથી ઘણી જગ્યાએ પુરુષ તેમની સાથે રિલેક્સ અનુભવતા હોય છે. આવી મહિલાઓ પોતાની કરિયર બાબતે ખૂબ સારી રીતે સેટ હોય છે. પોતાની લાઈફને વધારે સારી બનાવવા માટે પુરુષને એવી જવાબદાર સાથીની જરૂર હોય છે જે દરેક સમયે તેની સાથે ખભાથી ખભો મિલાવીને ચાલે.
સ્વતંત્ર : યુવતીઓ અને કિશોરીઓથી બિલકુલ અલગ વિચારો ધરાવતી વયસ્ક મહિલાઓ માનસિક રીતે સ્વતંત્ર હોય છે. મોટી ઉંમરની મહિલાઓ આર્થિક રીતે પગભર હોય છે અને સંપૂર્ણ રીતે આત્મનિર્ભર હોય છે. જરૂર પડતા તે પોતાના સાથીને આર્થિક રીતે સપોર્ટ કરે છે.
ઈમાનદાર : પ્રેમ સંબંધમાં સન્માન અને સ્પેસ બંનેનું એક અલગ મહત્ત્વ હોય છે અને મોટી ઉંમરની મહિલાઓ આ વાતને સારી રીતે સમજતી હોય છે. તે પોતાના સંબંધો પ્રતિ ખૂબ ઈમાનદાર હોય છે, સાથે પોતાના સાથીની ભાવનાને પણ તે સારી રીતે સમજતી હોય છે.
અનુભવી : મોટી ઉંમરની મહિલાઓ અનુભવી હોય છે, કારણ કે તેમને જીવનમાં અનેક અનુભવ થયા હોય છે, તેથી જીવનમાં આવનારી મુશ્કેલીઓ માટે તે હંમેશાં તૈયાર રહેતી હોય છે.
વાત કરવાની રીત : મોટી ઉંમરની મહિલાઓનો વ્યવહાર બોલીને ફરી જવાનો નથી હોતો એટલે કે તેમનો વ્યવહાર જલદી બદલાતો રહેતો નથી. તે કોઈ પણ કામ સમજીવિચારીને અને ખૂબ કુશળતાથી કરતી હોય છે.
સેક્સ : શરમાવાની જગ્યાએ મોટી ઉંમરની મહિલાઓ સેક્સ દરમિયાન પોતાના પાર્ટનરને સારી રીતે સપોર્ટ કરતી હોય છે. તે સ્પષ્ટ જણાવી દે છે કે તેમને પોતાના પાર્ટનર પાસેથી શું અપેક્ષા છે, જે તેને ખૂબ ગમતી હોય છે.
ઉંમરથી કોઈ ખાસ ફરક નથી પડતો
આજના ઝડપથી બદલાતા સમયમાં કોઈની ઉંમરનો સાચો અંદાજ લગાવવો થોડો મુશ્કેલ હોય છે, તેમાં પણ ખાસ તો મહિલાઓ માટે. જેાકે આમ પણ આજના યુવાનો માટે જીવનસાથીની ઉંમર કરતા તેની પ્રતિભા, સમજ અને દેખાવ વધારે મહત્ત્વ ધરાવતા હોય છે.
– મિની સિંહ.
