હવે તેને મળવા માટે મન બેચેન નથી રહેતું. બધું છોડીને તેની પાસે પહોંચી જવાની ઈચ્છા મરી પરવારી છે. વાતોના વિષય સમાપ્ત થઈ ગયા છે. લાગણી ફરજ બની ગઈ છે અને શરીરનું આકર્ષણ મરી ગયું છે. જે સ્પર્શ મનમાં પતંગિયા ઉડાડતો હતો, તે હવે કાંટાની જેમ ખૂંચવા લાગ્યો છે. સંસ્કાર કમિટમેન્ટ, સંબંધ અને સમાજને હાલમાં એકબીજા સાથે જેાડીને રાખ્યા છે, પરંતુ હકીકત અને કહી ન શકાય તેવી વાસ્તવિકતા એ છે કે હવે તેની સાથે પહેલાં જેવું ગમતું નથી. જ્યારે તમે કોઈની સાથે સંબંધમાં હો છો ત્યારે સંબંધ જાળવી રાખવા માટે તેના લાભગેરલાભને નિયમિત તપાસતા રહેવું જેાઈએ. ધંધામાં સંબંધનો સિદ્ધાંત અને સંબંધમાં ધંધાનો સિદ્ધાંત રાખવા અને તેનો અમલ કરવાની કોશિશ કરશો તો બંને તરફથી કોઈ મુશ્કેલી નહીં આવે. તમે મહિલા છો, તેથી પોતાને ગમતા પુરુષ માટે હંમેશાં ઈન્ટરેસ્ટિંગ બની રહેવું જરૂરી છે.
તમારે ઈન્ટરેસ્ટિંગ બનેલું રહેવું પડશે
સામાજિક જવાબદારી અને બાળકો વચ્ચે મહિલાઓ એ રીતે ખોવાઈ જાય છે કે પતિ પ્રતિ ઈન્ટરેસ્ટિંગ બનીને રહેવાનું ભૂલી જાય છે. જેાકે આવું પતિ સાથે પણ થતું હોય છે. પૈસા અને પ્રતિભા મેળવવામાં વ્યસ્ત રહેવું પતિપત્નીને ‘સારું’ લગાડવાની કોશિશ નથી કરાવતું. પ્રેમ સંબંધમાં પણ આવું જ થાય છે. ઈન્ટરેસ્ટિંગ બનીને રહેવું એટલે કે તમે તમારી ગમતી વ્યક્તિ માટે શારીરિક અને માનસિક બંને રીતે રુચિકર રહો.
માનસિક અપગ્રેડેશન
એક ઘર સારી રીતે ચાલે, તેમાં ગૃહિણીની ખૂબ મોટી ભૂમિકા હોય છે, પરંતુ ઘર સંભાળવાના ચક્કરમાં ગૃહિણીઓ સંબંધને સાચવવાનું ભૂલી જાય છે. તમે હાઉસવાઈફ છો તો શું થયું. તમે માનસિક રીતે અપગ્રેડ રહી શકો છો અને રહેવું પણ જેાઈએ. હાઉસવાઈફે વાંચવું જેાઈએ. સારી ફિલ્મો જેાવી જેાઈએ, સારા ગીતો સાંભળવા જેાઈએ અને દેશવિદેશના સમાચારથી પણ માહિતગાર રહેવું જેાઈએ.
શરીર
શરીરને સંભાળવું અને તેને યથાસ્થિતિમાં રાખવું મહિલાઓ માટે એક રાષ્ટ્રીય સમસ્યા બની ગયું છે. કમર કમનીય ન રહે તો ચાલશે, પણ ત્યાં ચરબીના થર જામી જાય, તે નહીં ચાલે. સેક્સલાઈફ માટે આમ પણ શરીરને સાચવીને રાખવું જરૂરી છે. નિયમિત વેક્સ, અંડરઆર્મ્સ, બિકીનિ વેક્સ કરાવતા રહેવું જેાઈએ. આ જ રીતે પ્રાઈવેટ પાર્ટની સફાઈ પણ એટલી જ જરૂરી છે.
મેનર્સ
પતિની ગેરહાજરીમાં તેમનું વોટ્સએપ વાંચવું, તેમની કોલ ડિટેલ જેવી મેનર્સ નથી. આવું જ પત્નીના ફોન સાથે પણ ન કરી શકાય. રસોઈ તમે સારી બનાવો છો, પરંતુ તેને પીરસતા પણ આવડવું જેાઈએ. થાળીમાં શાક ક્યાં મૂકવું જેાઈએ અને રોટલી કેવી રીતે મૂકવી, આ બધાની જાણકારી હોવી જેાઈએ. ક્યાં બંધ કરવું જેાઈએ તેનું પણ જ્ઞાન હોવું જેાઈએ. તમને સમય આપવામાં નથી આવતો, તે ફરિયાદ દરેક સમયે ન હોવી જેાઈએ.
અભિવ્યક્તિ
કોઈ પણ સંબંધને જાળવી રાખવા માટે અભિવ્યક્તિ ખૂબ જરૂરી છે. તમે કેટલો પ્રેમ કરો છો. તમે એકબીજાને કેટલા મિસ કરો છો, તમને બંનેને શું ગમે છે અને શું નહીં, આ બધી વાતની અભિવ્યક્તિ જરૂરી છે. બધા જ લોકો એમ કહેતા હોય છે કે હું ઈંટ્રોવર્ટ છું, પરંતુ ઈંટ્રોવર્ટ રહીને પણ તમારા વ્યવહારથી પ્રેમની અભિવ્યક્તિ થઈ શકે છે. તમારા પાર્ટનરની બદલાતી જરૂરિયાતની તમને ખબર હોવી જેાઈએ. તેમને તમારી પાસેથી કઈ અપેક્ષા છે, તેની પણ તમને જાણ હોવી જેાઈએ. વાતવાતમાં તમારે તમારી જરૂરિયાત પણ પાર્ટનરને કહેવી જેાઈએ.
– સ્નેહા સિંહ.
