પાસ્તા ગાર્ડન ગ્રીન

સામગ્રી :
૧૦ ગ્રામ ડુંગળી બારીક સમારેલી
૧૦ ગ્રામ લસણ બારીક ટુકડામાં
૧૦૦ ગ્રામ પેન્ને પાસ્તા
૨૦૦ એમએલ ટોમેટો સોસ
૧૦૦ એમએલ વાઈટ સોસ
૨૦ ગ્રામ ગ્રીન તૂરિયા
૨૦ ગ્રામ યલો તૂરિયા
૨૦ ગ્રામ મશરૂમ
૨૦ ગ્રામ બ્રોક્લી
કોથમીર સમારેલી
પાર્સલે
૧૦ ગ્રામ પરમેસન ચીઝ
થોડાં કાળાં મરી
૨૦ એમએલ ઓલિવ ઓઈલ
૪ તુલસીના પાંદડાં
૧૦૦ એમએલ ક્રીમ
મીઠું સ્વાદ મુજબ.

રીત :
ડુંગળી, લસણ અને અન્ય શાકભાજી બારીક ટુકડામાં સમારો. પાસ્તા બાફવા માટે મૂકો. હવે એક પેનમાં તેલ ગરમ કરીને લસણ અને ડુંગળીને ફ્રાય કરો. પછી ધીમા ગેસ પર તેમાં રેડ અને વાઈટ સોસની સાથેસાથે શાકભાજી નાખીને પકાવો. પકાવીને તેમાં પાસ્તા, તુલસીના પાંદડાં અને ક્રીમ નાખીને મિક્સ કરીને ગેસ બંધ કરો. પરમેસન ચીઝ અને કોથમીરથી સજાવીને ગરમાગરમ સર્વ કરો.