પંજાબી રેપથી લોકોના દિલ પર રાજ કરનાર હની સિંહ છેલ્લા કેટલાય સમયથી પોતાના અંગત જીવનના લીધે ચર્ચામાં હતા. હકીકતમાં વાત એમ હતી કે તેની પત્ની શાલિની તલવારે હની પર ગયા વર્ષે ઘરેલુ હિંસા સહિત કેટલીય મહિલાઓ સાથે સંબંધ રાખવાના ગંભીર આરોપ લગાવ્યા હતા. જેથી તેની વિરુદ્ધ કાર્યવાહી ચાલી રહી હતી. ત્યાં સુધી કે પત્નીએ એલિમનીમાં તેની પાસેથી ૧૦ કરોડ માંગ્યા હતા. જેમાં કોર્ટમાં લાંબા સમયથી ચાલી રહેલો કેસ છૂટાછેડા સાથે પૂરો થયો અને તેણે કોર્ટમાં એલિમનીમાં શાલિનીને ૧ કરોડ રૂપિયા આપ્યા. હવે બંને વચ્ચે ૧૦ વર્ષનો સંબંધ પૂરો થયો.