બ્રેકફાસ્ટ લાઈક ધ કિંગ’, ‘લંચ લાઈક ધ પ્રિન્સ’ અને ‘ડિનર લાઈક ધ પૂઅર’ આ બધી કહેવતો તમે સાંભળી તો હશે. આ કહેવત વાંચીને તમે પણ સમજી ગયા હશો કે બ્રેકફાસ્ટ આપણા મીલનો કેટલો મહત્ત્વપૂર્ણ ભાગ છે, તેથી ન્યૂટ્રિશસ્ટિ ‘બ્રેકફાસ્ટ લાઈક ધ કિંગ’ ની સલાહ આપે છે, કારણ કે રાત્રિના લાંબા બ્રેક પછી સવારનો બ્રેકફાસ્ટ આપણને ગ્લુકોઝ પૂરો પાડવાનું કામ કરે છે, જેનાથી આપણા શરીરમાં એનર્જી બૂસ્ટ થાય છે. પરંતુ આટલું બધું જાણ્યા પછી પણ ઘણી વાર આપણે આપણી ખરાબ લાઈફસ્ટાઈલના લીધે બ્રેકફાસ્ટ સ્કિપ કરીએ છીએ અને સીધા લંચ કરી લેવાના ઓપ્શનને ચૂઝ કરીએ છીએ, ત્યારે ઘણી વાર જાણકારીના અભાવે આપણે સ્લિમ થવાના ચક્કરમાં બ્રેકફાસ્ટ સ્કિપ કરીએ છીએ, જે આપણા મેટાબોલિઝમને વધારે સ્લો બનાવીને શરીરને ફુલાવવાનું કામ કરે છે. તો ઘણી વાર આપણે દરરોજ બ્રેકફાસ્ટ કરીએ છીએ, પરતુ હેલ્ધિ નહીં, જેનાથી ન તો આપણા શરીરને પ્રોપર ન્યૂટ્રિશંસ મળી શકે છે. તેના લીધે પૂરો દિવસ આપણને થાક લાગ્યા કરે છે, જે આપણી ઓવરઓલ પ્રોડક્ટિવિટી ઘટાડવાનું કામ કરે છે. આ સ્થિતિમાં આપણા માટે જાણવું જરૂરી છે કે આપણે મોટાભાગે બ્રેકફાસ્ટ સાથે એવી તે કઈ ભૂલો કરીએ છીએ, જે આપણને ભારે પડી શકે છે.
સ્કિપ ધ બ્રેકફાસ્ટ
લેટ નાઈટ ડિનર કરવાની હેબિટ અને તે પણ હાઈ કેલરી ડિનર, જેના લીધે મોટાભાગે બ્રેકફાસ્ટ એમ વિચારીને સ્કિપ કરવો કે આમ કરીને આપણે રાત્રે લીધેલી કેલરીને કંટ્રોલ કરી શકીશું, પરંતુ આ માનસિકતા બિલકુલ ખોટી છે, કારણ કે રાત્રે લાંબા ફાસ્ટિંગ પછી સવારનો બ્રેકફાસ્ટ આપણા મેટાબોલિઝમને બૂસ્ટ કરીને આપણા વજનને કંટ્રોલમાં રાખે છે, સાથે આપણા ગ્લુકોઝ લેવલને કંટ્રોલ કરીને આપણને પૂરો દિવસ સ્ટ્રેસથી દૂર રાખવામાં મદદ કરે છે, પરંતુ આ ભૂલ ન માત્ર આપણા મેટાબોલિઝમ પર ભારે પડે છે, સાથે તેના લીધે બ્લડ કોલેસ્ટ્રોલ, હૃદયની બીમારી તથા ટાઈપ-બી ડાયાબિટીસનું જેાખમ પણ ખૂબ વધી જાય છે. તેથી બ્રેકફાસ્ટને સ્કિપ કરવાની ભૂલ બિલકુલ ન કરો અને જે પણ બ્રેકફાસ્ટ કરો તે હાઈ પ્રોટીન અને ફાઈબરથી ભરપૂર હોવું જેાઈએ.