મા બનવું દરેક મહિલા માટે સુંદર અહેસાસ હોય છે, પરંતુ કેટલીય વાર જ્યારે મહિલાઓ મા બનવાની કોશિશ કરે છે, ત્યારે શરીરની તકલીફના લીધે મહિલાઓને મા બનવામાં સમસ્યા થાય છે તેની પાછળ અનેક કારણ હોય છે. જેમ કે તાણ, લાઈફસ્ટાઈલ અને ખાણીપીણીની કમી વગેરે. એવામાં કેટલાય ફૂડ એવા હોય છે, જે મહિલાઓની ફર્ટિલિટીને અસર કરે છે. જે મહિલા મા બનવાનું વિચારી રહી છે, તો મહિલાઓએ કેટલાક ફૂડથી દૂર રહેવું જેાઈએ. આ ફૂડ્સ ન ખાવાથી મહિલાઓની ફર્ટિલિટીમાં સુધારો આવે છે. આવો જાણીએ આ ફૂડ્સ વિશે :
મીટ
તમે મા બનવાનું વિચારી રહ્યા છો, તો પ્રોસેસ્ડ રેડ મીટના સેવન કરવાથી દૂર રહો. આ ફૂડમાં હાઈ કેલરી હોય છે, જે ફર્ટિલિટીને પ્રભાવિત કરે છે. પ્રોસેસ્ડ રેડ મીટ ખાવાથી મહિલામાં સ્થૂળતાની સમસ્યા ઊભી થાય છે. તે ખાવાથી વજન ઝડપથી વધે છે. તેને ખાવાથી લિવરમાં ફેટ બને છે.
કેફીન
કેફીન શરીર માટે હાનિકારક હોય છે. તમે મા બનવાનું વિચારી રહ્યા છો, તો તમેે ચા-કોફી અને કોલ્ડ ડ્રિન્ક્સ પીવાથી દૂર રહો. તેના સેવનથી મહિલાનું એસ્ટ્રોજન લેવલ વધે છે અને પીરિયડ સાઈકલ પણ ગરબડ થાય છે. જે તમને ચા-કોફી પીવાનું મન વધારે થાય, તો પૂરા દિવસમાં એક કપથી વધારે ન પીઓ.
આલ્કોહોલ
આલ્કોહોલ શરીર માટે નુકસાનકારક હોય છે. આલ્કોહોલ પીવાથી મહિલાની ફર્ટિલિટી પર અસર થાય છે. આલ્કોહોલ મહિલાના હોર્મોન્સમાં અસંતુલન પેદા કરે છે, જેથી ફર્ટિલિટી પ્રભાવિત થાય છે. મહિલા જે આલ્કોહોલનું સેવન કરે છે, તો તેની પીરિયડ સાઈકલમાં પણ પરિવર્તન થાય છે.
જંક ફૂડ
જંક ફૂડ સ્વાસ્થ્ય માટે હાનિકારક હોય છે. જંક ફૂડના સેવનથી સ્થૂળતા વધે છે. જંક ફૂડ ખાવાથી શરીરનું કોલેસ્ટ્રોલ લેવલ વધે છે અને નર્વસ સિસ્ટમ પ્રભાવિત થાય છે. મહિલા જે નિયમિત જંક ફૂડનું સેવન કરે છે, તો તેનાથી તેની ભૂખ ઓછી થાય છે. એવામાં જંક ફૂડના સેવનથી દૂર રહો.
