ક્રંચી વેજિસ

સામગ્રી :
૩ કપ બટાકા બાફેલા
૨ કપ ઓટ્સ
૩ ચમચી કોર્નફ્લોર
૨ કપ દહીં
૧/૨ કપ લીલી ચટણી
લાલ મરચું પાઉડર સ્વાદ મુજબ
તેલ શેલો ફ્રાય માટે
૬ કળી લસણ પેસ્ટ
મીઠું સ્વાદ મુજબ.

રીત :
૧ કપ ઓટ્સને ૧ કપ દહીંમાં અડધો કલાક માટે પલાળી દો. પછી પાણી અલગ કરીને બાફેલા બટાકામાં મિક્સ કરો. તેમાં લસણ પેસ્ટ, મીઠું, મરચું, કોર્નફ્લોરને બરાબર મિક્સ કરો. ૧ કપ ઓટ્સ એક પ્લેટમાં લો. મિશ્રણને ગોળગોળ નાનીનાની ટિક્કી બનાવી લો. બટાકાના મિશ્રણને ઓટ્સમાં લપેટો. ફ્રાઈંગપેનમાં ૨ ચમચી તેલ નાખીને ગરમ કરો. ટિક્કી બંને તરફથી સોનેરી થાય ત્યાં સુધી શેલો ફ્રાય કરો. દહીં અને ચટણી સાથે ગરમાગરમ સર્વ કરો.