ઝાટકો

વાર્તા – ગોપિકા ચાચરા.

બહારનો અવાજ સાંભળીને ડ્રોઈંગરૂમમાં બેસેલી પલ્લવી અને રોહિતનાં ચહેરા પર ગભરામણના ભાવ દેખાયા.
ફ્લેટની શેઠાણી શિખા રસોઈમાંથી નીકળીને દરવાજેા ખોલવા આગળ વધી. મનમાં ચોર હોવાના લીધે પલ્લવી અને રોહિતનાં દિલના ધબકારા દરેક ક્ષણે વધવા લાગ્યા.
શિખા તાત્કાલિક બેશુદ્ધ પાછી?આવી ગઈ અને ધીમા, ઉત્તેજિત અવાજમાં તેમને જણાવ્યું કે વિકાસ આવ્યો છે.
‘‘ઓહ, હવે શું કરીએ?’’ પતિના આવવાની વાત સાંભળીને પલ્લવીનો ચહેરો પીળો પડી ગયો.
‘‘આટલું ન ડર. અમે તેને જણાવીશું કે હું શિખાનો પરિચિત છું, તારો નહીં.’’ સ્વયંને સંયમિત રાખવાનો પ્રયાસ કરતા રોહિતે પલ્લવીને બચાવનો રસ્તો સૂચિત કર્યો.
‘‘ત્યારે હું અંદરના રૂમમાં જઈને બેસું છું.’’ કહીને પલ્લવી ઝાટકેથી ઊઠી અને લગભગ દોડતી શિખાના બેડરૂમમાં પહોંચી ગઈ.
પોતાની ગભરામણ પર કાબૂ મેળવવા પલ્લવી પલંગ પર બેઠી ઊંડાઊંડા શ્વાસ લેવા લાગી. ડ્રોઈંગરૂમમાંથી આવતા આ ત્રણના?અવાજ તેને સ્પષ્ટ સંભળાતા હતા.
વિકાસ સાથે પલ્લવીનાં લગ્નને હજી ૩ જ મહિના થયા હતા. તે ૨ દિવસ માટે પિયરમાં રહેવા આવી હતી. વિકાસ તો તેને સાંજે લેવા માટે આવ્યો હતો. તે જલદીથી કેમ આવી ગયો છે, તેનું કોઈ કારણ પલ્લવીને ન સમજાયું. તે અહીં પોતાની પાકી સાહેલી શિખાના ઘરે આવી છે, આ માહિતી વિકાસને તેની મમ્મીએ જ આપી હતી.
રોહિત પલ્લવીનો લગ્ન પહેલાંનો પ્રેમી હતો. તેણે જ શિખાના ફ્લેટમાં તેને મળવાનો કાર્યક્રમ બનાવ્યો હતો. વિકાસે અચાનક અહીં પહોંચીને તેના પગ નીચેથી જમીન ખેંચી લીધી હતી.
બહાર શિખાએ રોહિતને પોતાનો જૂનો સહાધ્યાયી જણાવતા તેનો વિકાસ સાથે પરિચય કરાવ્યો. જેાકે તે સત્ય જ હતું. બંને કોલેજમાં સાથે અભ્યાસ કરતા હતા. પલ્લવી સાથે રોહિતનો પ્રથમ પરિચય શિખાએ જ લગભગ ૨ વર્ષ પહેલાં કરાવ્યો હતો.
‘‘તમે બંને પ્રેમની વાતો કરો, હું થોડીવારમાં ચા લાવું છું.’’ વિકાસને પલ્લવી પાસે મૂકીને શિખા હોઠ પર સ્માઈલ અને આંખોમાં ચિંતાના ભાવ સાથે રસોઈ તરફ જતી રહી.
‘‘કેમ છે જાનેમન. યાદ આવી મારી?’’ વિકાસે હાથ ફેલાવીને હગ કરવા નિમંત્રણ આપ્યું.
‘‘તમને આવી?’’ આગળ વધીને પલ્લવી પોતાના પતિની આગોશમાં આવી ગઈ.
‘‘અનહદ. એક વાત તો જણાવ?’’
‘‘શું?’’
‘‘આ રોહિત મને ગભરાયેલો કેમ લાગ્યો?
‘‘તે ભલા તમારાથી કેમ ગભરાય?’’
‘‘આ જ વાતથી હું આશ્ચર્યચકિત થયો. અચ્છા, તું અહીં કેમ બેઠી છે? શું તમે બંનેએ ભગાડી દીધી.’’
‘‘આ કેવી વાતો કરી રહ્યા છો તમે? મારા માથામાં દુખાવો થઈ રહ્યો હતો, તેથી થોડીવાર આરામ કરવા અહીં?આવી હતી. તે બંને મને કેમ ભગાડે?’’
‘‘મને એવું કેમ અનુભવાઈ રહ્યું છે કે તારી સાહેલી અને રોહિત વચ્ચે ખોટા સંબંધ છે?’’
‘‘તમને કોઈ ખોટો વહેમ થઈ રહ્યો છે. શિખા એવી છોકરી…’’
‘‘તું તો તારી બહેનપણીનો બચાવ કરીશ જ, પણ રોહિતની ગભરામણ. તારું?અહીં એકલા બેસવું. શિખાનું મારી સાથે નજર ચોરવું. તું કંઈપણ કહે, પણ મારું દિલ કહે છે કે શિખા તેના પતિ નીરજ સાથે વિશ્વાસઘાત કરી રહી છે.’’ વિકાસ અચાનક ગુસ્સે થયો.
‘‘એવું કંઈ નથી. આ બંને વચ્ચે મિત્રતા સિવાય કોઈ અન્ય પ્રકારનો સંબંધ નથી.’’ પલ્લવીએ વિકાસની શંકાને દૂર કરવા પ્રયાસ કર્યો.
વિકાસે પલ્લવીની વાતને અવગણતા કડક લહેકામાં કહ્યું, ‘‘લગ્ન પછી પણ જે સ્ત્રીઓ પ્રેમી ઉછેરવાનો પોતાનો શોખ કાયમ રાખે છે તેમને તો ગોળી મારી દેવી જેાઈએ. હું શોધું છું સત્ય શું છે.’’
‘‘શું કરશો તમે?’’ પલ્લવી ગભરાઈ ગઈ.
‘‘રોહિત સાથે વાત કરીને સત્યનો?તાગ મેળવી લઈશ. દાળમાં કંઈક કાળું નીકળ્યું તો નીરજભાઈને તેની પત્નીની ચરિત્રહીનતાની ખબર પણ હું જ આપીશ.’’
‘‘તમારી શંકા બિલકુલ પાયાવિહોણી છે.’’
‘‘તેનો નિર્ણય થોડી જ વારમાં થઈ જશે, ડિયર. તું મને ૧ ગ્લાસ પાણી પિવડાવી દે પ્લીઝ.’’
કેટલીક મિનિટ પછી પલ્લવી પાણીનો ગ્લાસ લઈને આવી, તો તેણે વિકાસને પોતાનો મોબાઈલ ફોન ખિસ્સામાં મૂકતા જેાયો.
‘‘તમને કોણે ફોન કર્યો છે?’’ પલ્લવી ગભરાઈ ગઈ.
‘‘નીરજે.’’ સંક્ષિપ્ત જવાબ આપીને ખૂબ ગંભીર દેખાતો વિકાસ પાણી પીવા લાગ્યો.
‘‘શું કહ્યું છે તમે તેને?’’
‘‘અત્યારે કંઈ ખાસ નહીં. હું રોહિત સાથે છું.’’ વિકાસે પલ્લવીનું માથું ચૂમ્યું?અને પછી ડ્રોઈંગરૂમ તરફ ચાલી નીકળી.
મનોમન ડર, ગભરામણ અને બેચેનીનો શિકાર બનેલી પલ્લવી તેની પાછળપાછળ ડ્રોઈંગરૂમમાં પહોંચી ગઈ. ત્યારે શિખાએ પણ ચા-નાસ્તાની ટ્રે હાથમાં પકડીને ત્યાં પગ મૂક્યો.
ચા પીતાં વિકાસે તો રોહિત સાથે વાતો કરવાનો ખૂબ પ્રયાસ કર્યો, પણ તે ઓછું જ બોલ્યો. તેના ગોળગોળ જવાબ પલ્લવીને વિચિત્ર લાગી રહ્યા હતા. આ વાતથી તેના મનને થોડીક રાહત જરૂર થઈ કે વિકાસને થોડીક પણ શંકા ન થઈ કે ક્યાંક રોહિત?અને તેની વચ્ચે તો ખોટું ચક્કર નથી ચાલી રહ્યું.
ચા પૂરી કરતા જ રોહિત જવા માટે અચાનક ઊભો થઈ ગયો. વિકાસે તેને રોકવા માટે પ્રયાસ કર્યા, પણ તે ન અટક્યો.
રોહિતને વિદાય કરવા શિખાની સાથેસાથે વિકાસ પણ બહાર સુધી આવ્યો. તેની મોટરસાઈકલ આંખો સામેથી ગાયબ થઈ જ હતી કે નીરજ પોતાના સ્કૂટર પર ઘરે આવી ગયો.
‘‘તમે ઓફિસથી અત્યારે કેવી રીતે આવી ગયા?’’ શિખાએ ચોંકતા પોતાના પતિને પ્રશ્ન કર્યો.
‘‘વિકાસે ફોન કરીને બોલાવ્યો છે.’’ નીરજે ગૂંચવણભર્યા અંદાજમાં વિકાસ સામે જેાયું.
‘‘તેં કહ્યું નહીં કે આ આવી રહ્યો છે? શું અમને બધાને પાર્ટી આપી રહ્યો છે?’’ વિકાસ તરફ હસીને જેાતા શિખાએ પ્રશ્ન કર્યો.
ઘરની અંદરની તરફ વધતા વિકાસે બેચેન લહેકામાં જવાબ આપ્યો, ‘‘જેની મુલાકાત કરાવવા તને બોલાવ્યો હતો તે તો હમણાં જ જતો રહ્યો.’’
‘‘કોણ?આવ્યું હતું?’’ નીરજે શિખાને પ્રશ્ન કર્યો.
‘‘રોહિત. મારી સાથે કોલેજમાં અભ્યાસ કરતો હતો. હું પાણી લઈને?આવું છું.’’ પતિ કંઈ બોલે તે પહેલાં જ શિખા રસોઈ તરફ જતી રહી.

શિખા કંઈ કહે તે પહેલાં નીરજે ગુસ્સામાં તેને બૂમ પાડીને ડ્રોઈંગરૂમમાં બોલાવી લીધી.

પલ્લવી તેની પાછળપાછળ રસોઈમાં પહોંચી. ગભરાયેલા અવાજમાં તેણે વિકાસનાં મનમાં ઊપજેલી શંકાની માહિતી શિખાને આપી દીધી.
‘‘હવે શંકાની ચર્ચા તે નીરજ સાથે નક્કી કરી રહ્યો હશે. તેં આ કેવી મુસીબતમાં ફસાવી દીધી મને, પલ્લવી.’’ શિખાએ બંને હાથથી માથું પકડી લીધું.
‘‘જેાયું, હવે તારે જ મારો જીવ બચાવવાનો છે. વિકાસ અને નીરજ બંનેને હકીકતની જાણ ન થવી જેાઈએ.’’ પલ્લવીના ચહેરા પર કોઈ જ હાવભાવ નહોતા.
‘‘જેા નીરજનાં મનમાં ખોટા પ્રકારની શંકા પેદા કરવામાં તારો પતિ સફળ થઈ ગયો, તો સ્વયંને નિર્દોષ સાબિત કરવા માટે મારે તેમને એ જ કહેવું પડશે કે રોહિત તને મળવા આવ્યો હતો.’’
‘‘પ્લીઝ, એવી ભૂલ બિલકુલ ન કરતી.’’ પલ્લવી વિનંતી કરવા લાગી.
‘‘નીરજ મારા ચારિત્ર્ય પર શંકા કરે, એ મારા માટે ડૂબી મરવા જેવી વાત હશે પલ્લવી.’’
‘‘તે વિકાસની જેમ ગરમ મગજનો માણસ નથી. તું તેમને મોડાવહેલા સમજાવી લઈશ, સંભાળી લઈશ.’’
‘‘આ બધું તું જ વિકાસ સાથે કરી લેજે.’’
‘‘તું સમજવાનો પ્રયાસ કર, પ્લીઝ.’’ પલ્લવીનું ગળું રૂંધાઈ આવ્યું, ‘‘અમારી વચ્ચે સંબંધ તાણપૂર્ણ ચાલી રહ્યા છે. સાસરીમાં મારી કોઈ કદર નથી. મારી અલગ થવાની ઈચ્છાનો વિકાસ ખૂબ વિરોધ કરે છે. આ માણસ જેા મારી લાગણીને સમજતો હોત, તો મારા જૂના પ્રેમીને મારા સુખદુખ વહેંચવા હું રોહિતને કેમ બોલાવતી.’’
‘‘મેં તો તને પહેલાં જ આવું ખોટું અને ખતરનાક પગલું ભરવાની ના પાડી હતી, પરંતુ તેં તારા અહેસાનની યાદ અપાવીને મને ચુપ કરાવી દીધી. મારે તારી વાત સાંભળવી જ નહોતી જેાઈતી.’’ શિખા બેચેનીભર્યા અંદાજમાં હાથ મિલાવવા લાગી.
‘‘તારા પપ્પાના હાર્ટના ઓપરેશન માટે જ્યારે રૂપિયાની જરૂર હતી ત્યારે હું જ તને કામ લાગી હતી. હવે તું મારી સૌથી સારી સાહેલી હોવાની ફરજ નિભાવ, શિખા.’’
‘‘તેં આપેલા ૫૦ હજાર રૂપિયા તો હપતેહપતે પાછા આપીશ, પણ મારાં લગ્ન તૂટી ગયા, તો તું મારું નુકસાન કેવી રીતે ભરપાઈ કરીશ?’’
‘‘એવું કંઈ નહીં થાય શિખા.’’
શિખા કંઈક કહે તે પહેલાં જ નીરજે ગુસ્સાભર્યા અંદાજમાં તેને બૂમ પાડીને ડ્રોઈંગરૂમમાં બોલાવી લીધી.
પલ્લવીએ દયનીય અંદાજમાં શિખા સામે હાથ જેાડી દીધા, ‘‘પ્લીઝ, વિકાસને કંઈ ખબર ન પડવી જેાઈએ.’’
શિખાએ થોડાક ખચકાટ સાથે પોતાની સાહેલીનો ખભો પ્રેમથી દબાવીને તેને નિશ્ચિંત કરી અને પછી ઝડપથી ડ્રોઈંગરૂમ તરફ ચાલી નીકળી.

ડરેલીગભરાયેલી પલ્લવી ઉદાસ અંદાજમાં તેની પાછળપાછળ ડ્રોઈંગરૂમમાં પહોંચી ગઈ. વિકાસ અને નીરજ બંનેએ તેની તરફ કોઈ ધ્યાન ન આપ્યું. તે બંનેની નજરનું કેન્દ્ર શિખા બની હતી.
‘‘આ રોહિત અહીં કેમ આવ્યો હતો?’’ ગુસ્સાના લીધે નીરજનો અવાજ પત્નીને પ્રશ્ન પૂછતા ધ્રુજતો હતો.
‘‘મને મળવા.’’ શિખાએ ગંભીર લહેકામાં જવાબ આપ્યો.
‘‘પહેલાં કેટલી વાર આવી ગયો છે?’’
‘‘મને તમારી પ્રશ્ન પૂછવાની રીત અપમાનિત કરનારી લાગી રહી છે. વિકાસને ભ્રમ…’’
‘‘શટઅપ. મારા પ્રશ્નનો સીધો જવાબ આપ.’’ નીરજે તેને ઠપકો આપીને આગળ બોલતા રોકી દીધી.
‘‘તેણે આજે પહેલી વાર અહીં પગ મૂક્યો હતો.’’
‘‘સાચું બોલી રહી છે?’’
જવાબમાં શિખા શાંત રહી અને તેનું મોં ફુલાઈ ગયું.
‘‘રોહિત સાથે તારે એવી તે શું વાત કરવી હતી જે તેં પલ્લવીને અલગ રૂમમાં મોકલી દીધી?’’
‘‘રોહિતને આવવા માત્રથી એટલે કે આ ઘટનાના લીધે શું તમે મારા ચરિત્ર પર શંકા કરી રહ્યા છો?’’ શિખાની આંખમાં આંસુ આવવા લાગ્યાં.
‘‘આ નાનકડી ઘટનાએ મારા વિશ્વાસને ડગમગાવી દીધો છે. આ બાબતની હું પૂરી તપાસ કરીશ, તેથી ખોટું ન બોલતી.’’ નીરજે ધમકી આપી.
‘‘તમે પહેલાં તપાસ કરી લો. હવે હું તમારા કોઈ પ્રશ્નનો જવાબ નહીં આપું.’’
‘‘મારા પ્રશ્નોનો જવાબ નહીં આપે, તો આ ઘરમાં પણ નહીં રહી શકે.’’
‘‘આ નાનકડી વાત માટે તમે મને ઘરમાંથી કાઢી મૂકશો?’’
‘‘આ નાનકડી વાત નથી.’’ નીરજે એ રીતે ચીસ પાડી જાણે ગુસ્સામાં પાગલ થઈ ગયો હોય.

શિખા ડરેલીગભરાયેલી ઊઠીને બેડરૂમ તરફ જવા લાગી તો નીરજે આગળ વધીને તેનો હાથ પકડી લીધો અને ગુસ્સામાં પૂછ્યું, ‘‘મારા પ્રશ્નનો જવાબ આપ્યા વિના તું ક્યાં જઈ રહી છે?’’
‘‘ત્યાં જ્યાં ઘરમાંથી પતિ દ્વારા અપમાનિત પરિણીત સ્ત્રી જાય છે.’’ શિખા અકળાઈને બોલી.
‘‘તારા ઘરે જઈ રહી છે.’’
‘‘હા.’’
‘‘મારા પ્રશ્નોના જવાબ નહીં આપે?’’
‘‘તપાસમાં મળી જશે તમને જવાબ.’’
‘‘જા મર. આ ઘરમાં તારા માટે હવે કોઈ જગ્યા નથી.’’ નીરજે તેને જેારથી ધક્કો માર્યો.’’
શિખાની પાછળ પાછળ પલ્લવી પણ તેના બેડરૂમમાં પહોંચી ગઈ. પોતાની ફ્રેન્ડને સૂટકેસમાં કપડાં ગોઠવવાનું શરૂ કરતી જેાઈને તે ખૂબ પરેશાન થઈ ગઈ.
‘‘મને તેમની પાસે આ ખોટા વ્યવહારની આશા નહોતી.’’ શિખાની મુખમુદ્રા હવે કઠોર થઈ ગઈ, ‘‘કેટલી સહેલાઈથી શંકા કરીને મને નીચે પાડી તેમણે, આટલો કમજેાર વિશ્વાસ. જ્યાં સુધી તે માફી નહીં માંગે, હું નહીં આવું.’’
‘‘આઈએમ સોરી, શિખા. આ બધી મારી ભૂલના લીધે થઈ રહ્યું છે.’’ પલ્લવીએ દુ:ખી અવાજમાં અફસોસ વ્યક્ત કરતા કહ્યું.
‘‘વિકાસ તારી પર શંકા કરે તો વાત સમજાય છે કારણ કે તારા મનમાં ખોટ છે, પણ હું તો નીરજ પ્રત્યે…’’
‘‘મારા મનમાં કોઈ ખોટ નથી. હું તો રોહિત સાથે થોડી વાર વાત કરીને મારું મન હળવું કરવા ઈચ્છતી હતી, બસ.’’ પલ્લવીએ તરત સ્પષ્ટતા કરી.
‘‘લગ્ન પહેલાંના પ્રેમી સાથે મુલાકાતનો ક્રમ એક વાર શરૂ કર્યા પછી કયા મુકામ સુધી પહોંચશે, તે કોઈ નથી જાણતું. તું એક દિવસ જરૂર પસ્તાઈશ, પણ તારા કારણે હું તો આજે જ કેટલી મુસીબતમાં ફસાઈ ગઈ છું.’’
‘‘તું આ રીતે પિયરમાં ન જા.’’ પરેશાન પલ્લવીએ તેને સલાહ આપી.
‘‘હું તેમને સાચી વાત તારા લીધે નથી જણાવી શકતી. અહીં રહીશ તો મને રાતદિવસ અપમાનિત કરશે. હજારો પ્રશ્ન પૂછશે. મારું થોડા દિવસ પિયર જતા રહેવું જ ઠીક છે. જે થશે હું ભોગવીશ, પણ તારાં લગ્ન આ વખતે તો તૂટવાથી બચી જ જશે.’’ શિખાએ ભાવુક થઈને પલ્લવીને અચાનક ગળે લગાવી લીધી.
‘‘આજની ભૂલ હું જિંદગીમાં ક્યારેય પુનરાવર્તિત નહીં કરું. આવી ભૂલ કોઈપણ પરિણીત સ્ત્રીના ઘરની સુખશાંતિ અને સુરક્ષા હંમેશાં માટે નષ્ટ કરી દે છે. આ વાત મેં આજે સમજી લીધી છે.’’ પલ્લવી રડી પડી.
‘‘શું તું સાચું કહી રહી છે?’’ શિખાએ તેની આંખમાં પ્રેમથી જેાયું.
‘‘બિલકુલ.’’
‘‘જેા ફરી ક્યારેય તારા પગ ભટક્યા તો તું મારું મરેલું મોં…’’
‘‘એવું ક્યારેય નહીં થાય. ક્યારેય નહીં.’’ પલ્લવીએ શિખાના મોં પર હાથ મૂક્યો અને પછી રડવા લાગી.
‘‘તેં મને ખુશ કરી દીધી. હવે મારો પણ પિયર જવાનો કાર્યક્રમ રદ્દ.’’ શિખાએ હસીને સૂટકેસ બંધ કરી દીધી.
‘‘હવે શું કહીશ નીરજને.’’ પલ્લવીના મનની ચિંતા ફરી બહાર આવી.
‘‘તારી છબિ નહીં બગડવા દઉં. તું ચિંતા ન કર અને વિકાસ સાથે હસીખુશી જીવન પસાર કરવાનો પ્રયાસ દિલથી કર. પતિના રહેતા કોઈ રોહિત સાથે સુખદુખ વહેંચવાની શું જરૂર છે સાહેલી?’’
‘‘કોઈ જરૂર નથી હવે.’’
‘‘વિકાસને લઈને તું અહીંથી નીકળી જ. તમારા બંનેનાં આવતા જ હું નીરજનો વિશ્વાસ જીતવાનું કામ તાત્કાલિક શરૂ કરાવવા ઈચ્છુ છું.’’
‘‘ઓકે.’’ કહીને શિખાને ગળે મળીને પલ્લવીએ વિદાય લીધી અને પછી ફરીને ડ્રોઈંગરૂમ તરફ જતી રહી.

લગભગ ૫ મિનિટ પછી વિકાસ અને પલ્લવીને વિદાય કરીને નીરજ બેડરૂમમાં આવી ગયો. તેને જેાતા જ શિખા હસીને તેની છાતીને વળગી ગઈ.
‘‘ગઢ જીતી લીધો?’’ નીરજે તેનું માથું ચૂમી લીધા પછી પ્રશ્ન પૂછ્યો.
‘‘સફળ રહ્યો. પલ્લવીને એવો ઝાટકો લાગ્યો છે કે ફરી ક્યારેય ખોટા માર્ગે ચાલવાના વિચાર માત્રથી તેનું મન ધ્રુજી ઊઠશે.’’ શિખાએ જવાબ આપીને નીરજનો હાથ ચૂમી લીધો.
‘‘તેને યોગ્ય માર્ગે લઈ જવાનો સાચો શ્રેય તો રોહિતને જાય છે.’’
‘‘સાચું કહી રહ્યા છો તમે. પલ્લવી તેની સાથે લગ્ન પછી ફરીથી પ્રેમ સંબંધ બનાવવા ઈચ્છે છે, આ વાતથી પરેશાન અને ચિંતિત થઈને તેણે અમારા બંનેનો સંપર્ક કર્યો તે તેની સમજદારી અને પ્રમાણિક હોવાનો પુરાવો જ તો છે.’’
‘‘શું હું તેને ફોન કરીને બધું નાટક બરાબર પૂરું થવાની માહિતી આપી દઉં?’’
‘‘હમણાં નહીં.’’ શિખાએ તેનો ગાલ ચૂમીને શરમાતા કહ્યું, ‘‘પહેલાં પ્રેમના મીઠા સ્વાદથી નાટકમાં મોંથી કાઢેલા કડવા સંવાદનો સ્વાદ તો બદલી નાખો.’’
‘‘બિલકુલ બરાબર કહ્યું તમે, જાનેમન.’’ નીરજે તેને ખોળામાં લીધી અને મસ્ત અંદાજમાં પલંગ તરફ આગળ વધ્યો.